草月堂

星期六。晴。郊遊

 

千里迢迢的去了大澳

 

終於見到棚屋了!!!原來下兩個星期"正式入伙"的"屋企"，係咁既樣子

 

吃了好好食的豆花，比糖朝的好吃多了，凍豆花，涼透心，用薑煮過的黃糖漿(對，連糖漿也是黃糖)，如果吃熱的，大概昃更滑的

 

而最驚喜的是一間叫"金培餐廳"的茶仔

 

你知香港既茶仔，除咗少部分例外，間間味道其實唔差太遠，姑且稱之為茶仔味

 

呢次我地一行三人食了個肉絲炒麵同西炒飯，好味得佢吖，絕非一般的茶仔味，實在係鑊氣仔啲FRIEND

 

肉絲炒麵有洋葱、芽菜、冬菇絲、肉絲和葱，脆的脆，有汁的林，混在一起，極美味

 

西炒飯，端來的時候還在奇怪它為何如此"濕炒"，吃一口，不得了，西炒飯有茄汁不特止，仲有鮮茄，濃濃的茄味啊~

 

埋單你仲會發覺，原來茶仔本來是這麼價廉物美

 

我要再去吃咸魚雞粒炒飯和干炒牛河呀~~~~~~~

 

謝謝 =]

 

近來，很想做一些事情

 

比如說，因為要吃某一樣東西而去一個地方

 

因為要看某一個畫面而去一個地方

 

因為要看見自己某一個樣子而去買一件衫

 

因為要玩所以買一件具

 

很多想法，就好像自己命不久矣一樣，很想快點快點完成心願

 

好想食日本甜咖哩飯，四海遊龍的鍋貼

 

好想買到VistaQuest，然後多拍幾張照

 

究竟這是重燃生命的熱情？還是企圖捉緊流逝的生命？

 

びみょう..

如果今日唔係奧運開幕，我絕對相信以下一則新聞會至少會成一張報紙的頭條：

 

【 本 報 訊 】 一 名 中 年 怪 漢 前 晚 深 宵 在 藍 田 公 園 「 做 運 動 」 做 得 熱 血 沸 騰 ， 竟 在 一 塊 滿 佈 圓 孔 的 仰 卧起 坐 鐵 板 上 ， 做 出 另 類 掌 上 壓 ， 褪 下 褲 子 將 陽 具 插 入 圓 孔 內 自 瀆 ， 至 陽 具 充 血 脹 大無 法 拔 出 ， 緊 卡 在 孔 內 進 退 兩 難 ， 痛 苦 難 當 惟 有 面 懵 懵 報 警 求 助 。 醫 生 到 場 為 他 打針 放 血 無 效 ， 消 防 員 最 後 要 鋸 去 整 塊 鐵 板 ， 連 人 帶 板 五 花 大 綁 送 院 救 治 。 被 網 民 稱為 「 活 塞 男 」 的 男 事 主 陽 具 被 卡 住 近 4 小 時 後 ， 始 由 醫 生 救 出 重 獲 自 由 。

 

圖文並茂見

>>>>>>http://appledaily.atnext.com/template/apple/art_main.cfm?iss_id=20080808&sec_id=4104&subsec_id=12731&art_id=11448840

 

據各方情報：該圓孔直徑約一吋，活塞男在同日早上已試過無法自拔而被救，故深宵肇事已非第一次；

 

而康文署因消防員要拯救活塞男鋸去鐵板而招致損失，現考慮以法律途徑索償。

 

天呀，實在笑甩牙!

 

事有湊巧，再看見另一則新聞：

 

上月三十一日零時許，一名休班警員在寶邑路緩步跑，一輛駛向清水灣半島的雙層新巴巴士在交通燈前停下，休班警員此時看見巴士上層一名男子赤裸身體，站在座位上，面向着左邊窗戶及作出手淫動作。休班警員見狀即橫過馬路將巴士截停，將其拘捕，他在警誡下承認為減壓而犯案。其後落案控以在公眾地方行為猥褻罪名，昨在觀塘裁判法院提訊，裁判官將案押後，准以三百元保釋外出。

大佬，你有壓力，我有壓力，人人係咁渲泄法，巴士公司個清潔阿嬸咪好忙？

 

兩則新聞，可能要賴一賴政府，嘩，香港人壓力高企，為何不將公眾地方手淫合法化？

 

或者讚一讚，嘩香港人好有諗頭! 以後康文設施可一物多用，提高生産力

  

救命

 

 

 

打風，忙裡偷閒，一向少睇娛樂版的我，無無聊聊打開報紙

 

一睇....唔得了!!!!!!!!!!!!!!!!!!!!!!!!!!!!(尖叫!~~~)

 

MISIA要來香港開演唱會!!!!!!!!!!!!!!!!!!!!

 

OMG!!!

 

全宇宙都知道我鍾意平井堅啦，而MISIA則係女歌手中的Favourite!

 

超期待!!!

 

北冕，你是我最喜歡的颱風!!

 

 

因為排戲的關係，近來一直在想Flatmate同朋友的分別

 

相見好，同住難，和洽同住五年的話，關係前前後後又有什麼變化

 

想起大學時很喜歡看的"FRIENDS"，雖然是sitcom，劇情我也忘記得七七八八

 

但我想，由Season 1 到 Season 10，Ross, Joey, Phoebe, Rachel, Monica, Chandler，六個character都有各自的發展，亦有甚搞笑和複雜的感情線

 

六個人的關係都在變吧

 

室友和朋友實在是很不同的人

 

生活上距離是拉近了，但各自的生活習慣可能會唔覺意拉遠大家朋友上的距離

 

不知大學住double room的你，會不會都一樣

 

我和以前的同房，畢業後，如果碰到其他新相識的朋友，我們不約而同都會介紹對方為"以前同房"instead of 大學同學、好朋友...等等

 

"同房"somehow意味著：這個人知道我很多生活上的秘密

 

如果住了一年還是朋友的話，第二年，真的應該繼續一齊住。

 

但五年，五個人，究竟應該是怎樣的呢？

 

 

 

我以前同房係個超級亂的人，除了外表，她基本上是個男人

 

現在我們很少見，也不會傾電話，工作上，朋友上也沒有交叉點

 

但她仍舊是"以前同房"，一種你再唔介意佢介唔介意，一種你習慣坦白的朋友

 

有句話對我來說很深刻，有一晚，我們在房間各自温習定做功課，誰也沒有出聲

 

(當然我們有傾偈和一齊玩的時候，但其實更多時間我們是經常互不相干的共處)

 

然後不記得怎樣，她突然跟我說：其實我都算對你幾好，因為我唔介意你喺我既空間出現

 

之後我試過住單人房，再和同房同房，跟婆婆同住、回家住

 

家人和朋友是不一樣的

 

慢慢慢慢，更明白"空間"的劃分，和"唔介意"的意思 

 

唔...那我究竟會和那四個人經歷什麼事，或者他們有什麼樣的性格，我才會"唔介意"佢地在我的空間出現？對各人，各自又有什麼不同呢？

 

還有一個月左右便公演了，唉，實在擔心。 

 

 

多餘的話不講了

 

但一句謝謝好像又不太夠

 

多謝每個記得(或被我提醒而醒起或一時間醒唔起但實在有印象或過後醒起但又唔小心忘記咗)的朋友有言或無言的祝福

 

唔namely xxx, yyy 嘞(費事搞到成張summary of facts咁)

 

生日當天做了勁爆同埋勁唔爆的事s

 

包括(1)影貼紙相(勁不可思議!!真係脫節，原來而家的小朋友係要用60大元才影到一張貼紙相，想當年...通脹果然犀利)

 

(2)看殺神特工(遲了一個月，嘩，trailer係呃人囉，Angelina Jolie只係响trailer度做主角囉，感覺係被騙囉)

 

(3)排戲(有真的生日蛋糕戲份呀，爛gag滿天飛呀!!)

 

(4)收到一份很對味的生日禮物(在呢個連我都只係會請食飯而極少送禮物的世紀，實在太珍貴了!!)

 

雖然，工作第二天還是如常，但一年一次的生日週，實在要好好的記住

 

謝謝諸位，充實了我的回憶寶庫